Pan fyddwch chi'n cymryd rhan mewn ymchwil ac yn rhoi adborth

Sut rydym yn casglu eich gwybodaeth

Rydym yn cynnal ymchwil ac ystadegau gan ddefnyddio data o nifer o ffynonellau gan gynnwys:

• Data achos cleientiaid - rydym yn defnyddio gwybodaeth achos cleientiaid i gynnal ymchwil a chynhyrchu gwybodaeth ystadegol

• Arolygon a holiaduron - rydym yn cynnal holiaduron ac arolygon penodol i gael data ar bynciau penodol

• Grwpiau ffocws ac astudiaethau - rydym yn gwahodd rhanddeiliaid allweddol i gymryd rhan mewn astudiaethau a thrafodaethau

Byddwn ond yn cysylltu â chi'n uniongyrchol ynglŷn ag ymchwil ac adborth os ydych wedi rhoi eich caniatâd i ni wneud hynny.

Pa wybodaeth rydym yn ei chasglu

Rydym yn defnyddio ystod eang o wybodaeth a all gynnwys:

• Gwybodaeth am y materion roeddech chi'n ceisio cyngor neu arweiniad amdanynt

• Eich gwybodaeth ddemograffig, fel ym mha ardal o'r wlad rydych chi'n byw ynddi, eich oedran neu unrhyw grwpiau lleiafrifol rydych chi'n uniaethu â nhw

• Eich barn am ein gwasanaeth neu themâu sy'n berthnasol iddynt fel budd-daliadau neu dai

Os cysylltwyd â chi gan Cyngor ar Bopeth lleol

Bydd gan eich Cyngor ar Bopeth lleol eu polisi eu hunain ynghylch sut maen nhw'n casglu, defnyddio a storio eich gwybodaeth. Cysylltwch â'ch Cyngor ar Bopeth lleol a gofynnwch am weld eu polisi - neu edrychwch ar eu gwefan.

Yr hyn yr ydym yn defnyddio'ch gwybodaeth ar ei gyfer

Rydym yn defnyddio ein hymchwil a'n hystadegau i lywio ein hymgyrchoedd ac i wella ein gwasanaeth. Mae hyn yn cynnwys gwaith i hyrwyddo cydraddoldeb, amrywiaeth a chynhwysiant yn ein gwasanaeth a'n cymdeithas gyfan. Ni fyddwn yn defnyddio unrhyw ran o'r wybodaeth hon mewn ffordd fydd yn galluogi i chi gael eich adnabod neu i wneud penderfyniad amdanoch chi fel rhan o'n hymchwil oni bai eich bod yn rhoi eich caniatâd i ni wneud hynny.

Weithiau rydym yn hoffi cynnwys straeon cleientiaid go iawn yn ein hymgyrchoedd. Os byddwn am ddefnyddio'ch stori chi mewn ffordd y gellir eich adnabod ohoni, dim ond gyda'ch caniatâd chi y byddwn yn gwneud hynny.

Gyda phwy rydym yn rhannu eich gwybodaeth

Ni fyddwn yn rhannu gwybodaeth uniongyrchol adnabyddadwy amdanoch chi y tu allan i Gyngor ar Bopeth oni bai bod y canlynol yn wir:

• rydym yn cyflogi trydydd parti i gynnal ymchwil ar ein rhan; neu

• rydych chi'n rhoi eich caniatâd i ni wneud hynny 

Efallai y byddwn o bryd i'w gilydd yn rhannu setiau data gyda data wedi'i ddad-adnabod gyda phartneriaid dibynadwy i'w galluogi i wneud eu hymchwil eu hunain. Er enghraifft, efallai y byddwn yn rhannu setiau data gyda dynodwyr fel enwau, cyfeiriadau, manylion cyswllt wedi'u tynnu gyda thrydydd parti dibynadwy fel prifysgol i'w helpu i wneud ymchwil sydd er budd y cyhoedd.